saso مشرف قسم المناقشات والمقالات الروحيه
عدد المساهمات : 413 العمر : 35 تاريخ التسجيل : 28/08/2008
| موضوع: الحضن الدافي ؟؟؟؟ الأربعاء سبتمبر 10, 2008 2:14 pm | |
| [center]يعنى ايه حضن دافي ؟ يعنى ايه صدر حنين ؟؟؟ الاحتياج للحضن الدافي احتياج مهم جدا عند الانسان .. مش أقل اهميه من الاحتياج لبطانيه في الشتا مثلا .. ان كانت البطانيه محتاجينها علشان ندفي اجسامنا ، الحضن البشري الدافي وكل انواع التلامش محتاجينها علشان ندفي قلوبنا ونفسياتنا ، من السهل على الكبار يحضنوا الاطفال الضغيرين ويبوسوهم ، الاطفال شكلهم جميل ودمهم خفيف وكمان بيعبروا عن احتياجهم بسهوله .. ممكن الطفل الصغير يجري ويدفن راسه في حضن أبوه ، والطفله الصغيره ممكن تشد ديل فستان مامتها وتقولها ماما " أوبه " ، لكن لما الاطفال بتكبر شويه ويبقوا شباب يمكن مابيبقوش لذاذ قوى زى الاول ، ويمكن ما يعبروش قوى عن احتياجهم للحضن .. زى ما كانوا وهما صغيرين ، لكن احتياجهم للحضن الدافي مازال زى ماهو ويمكن اكتر ...
يمكن الام بتبقى عايزه تقطع بنتها من البوس لما تتكلم كلمه جديده لاول مره او تقول ماما لاول مره ، او لما تمشى اول خطره .. لكن لما بتكبر الحاجات دى بتبقى ....... عادى للأسف حاجات كتير بتبقى ....... عادى
الحقيقه انه مفيش حاجه بتروح .. كل مرحله من العمر عشناها متسجله جوانا ؟؟؟؟ الطفل ده اللى كان زمان موجود جوانا بكل احتياجه ... محتاج للحضن زى زمان ... الطفل الموجود جوانا ده هو اللى بيخلى عندنا احتياج مستمر ان حد يضمنا ويحتوينا خصوصا لو كانت حياتنا صعبه وفيها مخاوف ومشاكل ..
على فكره ... ممكن الجوع الشديد للحضن والتلامس يخلينا نتورط في علاقات مش مفيده ... والطريقه الوحيده اللى بيها نحمى نفسنا من العلاقات دى هى اننا نشبع احتياجنا الطبيعي للحضن الدافى .. يعنى الحضن الدافى الطاهر ممكن يحمينا من الاحضان المش طاهره ...
" لو حبيت تشارك معانا عن التلامش فى الاسره اللى نشأت فيها - على سبيل المثال - ماكانش فيه تلامس ابدا ؟؟؟ الضرب كان طريقه التلامس الوحيده ؟؟؟ كان فيه بس بطريقه مش نضيفه ؟؟؟ ....... الخ "
منقول من كتاب " القلب الواعي " د/ أوسم وصفي
ملحوظه من عندى : لو حسيتي - او حسيت - ان صاحبتك فى مشكله اتكلمي معاها وخديها فى حضنك ساعتها حاجات كتير هاتتغير جواها وهاتحس بامان وسلام جايز هى مفتقداه فى الفتره دى من حياتها ... | |
|
مسعد خليل فضى
عدد المساهمات : 509 العمر : 64 العمل/الترفيه : فى حب المسيح المزاج : هادى تاريخ التسجيل : 16/09/2008
| |
saso مشرف قسم المناقشات والمقالات الروحيه
عدد المساهمات : 413 العمر : 35 تاريخ التسجيل : 28/08/2008
| موضوع: رد: الحضن الدافي ؟؟؟؟ الثلاثاء سبتمبر 16, 2008 6:21 am | |
| شكرا استاذ مسعد على مرورك على الموضوع ربنا يباركك | |
|
ايمى متميز
عدد المساهمات : 173 العمر : 39 بلدك : فى حضن المسيح شفيعك : مارمينا تاريخ التسجيل : 12/11/2008
| موضوع: رد: الحضن الدافي ؟؟؟؟ الجمعة نوفمبر 14, 2008 1:07 pm | |
| | |
|
مارو جوجو فضى
عدد المساهمات : 544 العمر : 35 المزاج : نشكر المسيح بلدك : الاسكندرية شفيعك : ام النور والبابا كيرلس تاريخ التسجيل : 21/11/2008
| موضوع: رد: الحضن الدافي ؟؟؟؟ الجمعة نوفمبر 21, 2008 7:01 am | |
| ميرسي على الموضوع الجميل دة | |
|
Rennno جديد
عدد المساهمات : 8 العمر : 45 بلدك : الأراضي المقدسة شفيعك : مريم العذراء تاريخ التسجيل : 18/11/2008
| موضوع: رد: الحضن الدافي ؟؟؟؟ السبت نوفمبر 22, 2008 9:07 am | |
| كلام صحيح .. و موضوع رائع الرب يباركك | |
|